виртуелен приказ
Хидроизолациските ленти се пакуваат во ролни, се складираат и транспортираат исправени.
Типови на хидроизолациски ленти кои се произведуваат во БИМ а.д. се Бикутоп, Покле, Воалoбит, Бимпласт, Бимпак, Конобит, Битал, Дибитал, Стабит

Бикутоп
Својства - Бикутоп е хидроизолациска лента обложена од двете страни со високо квалитетна битуменска маса, произведена од специјален битумен, обогатен со еластомери на база посебно избрани каучуци и квалитетни минерални полнила. Како влошка се користи стаклен воал, стаклена ткаенина и полиестерски филц. Бикутоп лентата е непосипана или посипана со ситен посип или со посип во боја. Се произведува во дебелина од 2,6 до 4,0 милиметри.
Примена - Бикутопот се употребува за изведување на сите видови подземни и надземни хидроизолации, изолација на темели, покриви, тераси, мостови, тунели, базени и слично. Со БИКУТОПОТ може да се изведуваат секакви видови системи на хидроизолација на секакви подлоги (бетон, челик, дрво и др.). Во системот на хидроизолацијата може да се комбинира и со други видови хидроизолациски материјали.
Вградување - Бикутопот е висококвалитетна хидроизолациска лента, квалитетна хидроизолација, се добива со стручно и правилно вградување кое поднесува големи дилетирања на објектот, издржлив е на притисок од подземни води, има голем дифузен отпор, погоден е при вградувањето и ја зафаќа положбата на подлогата.
Се вградува со врела битуменска маса, бикумаса или со заварување со пропан бутан.
Хидроизолацијата од два слоја со БИКУТОП заменува конвенционална изолација од 5 слоја.
Атестирање - Производот е атестиран од овластена институција.
Складирање и транспорт - Хидроизолациските ленти се пакуваат во ролни, а се складира и транспортира во исправена положба и во покриена просторија или возило.

Битуменска шиндра
Својства - Битуменската шиндра е погодна за покривање на произволно оформени покривни површини. Се произведува врз база на специјална облагородена битуменска маса армирана со стаклен воал. Од горната страна шиндрата е посипана со дробен шкрилец во различни бои. Долната страна е заштитена со кварцен песок.
Карактеристики:
· постојана е и отпорна на екстремно ниски и високи температури
· постојана е во загадени и агресивни индустриски средини
· лесно се свива и едноставно се крои
· поседува висок степен на огноотпорност
· полесна е 4-8 пати од кој било материјал за покриви.
Употреба - Битуменската шиндра се употребува за покривање на сите видови коси покриви со косина помеѓу 10о и 85о. Погодна е за покривање на произволно оформени покривни површини, односно со исти елементи се покриваат рамни покривни површини, била, гребени, опшивки и вдлабнатини. Шиндрата овозможува лесно монтирање на лимот за опшивање на покривните завршетоци, опшивање на оџаците, вентилаторските цевки и сл.
Вградување - Покривањето со битуменска шиндра зависи од видот на подлогата и косината на покривот. Најсоодветна подлога за шиндрата е подлогата од штици или водоотпорна иверица.
Шиндрата се реди од окапницата кон билото. Првиот ред на окапницата е двослоен. Долниот слој се реди со засеците свртени кон билото и се прицврстува со шајки на оддалеченост 10-15 см. од работ на окапницата. Првото парче шиндра од горниот слој се сече, се скратува за 1/6 од должината, со што добиваме поместување на засеците. Поместениот горен слој се реди со засеците свртени кон окапницата. Двата слоја меѓусебно ги слепуваме со битуменско лепило - БИМИЗОЛ.
Понатаму, вградувањето на другите редови шиндра се врши низ целата покривна површина кон билото, на тој начин што по секој ред отпочнат со скратено парче доаѓа ред со цело парче шиндра.
Шајките се коваат на оддалеченост од 2 см над секој засек, а на крајните парчиња 2 см од работ на покривот. Снегозаштитниците (коишто не се потребни кај покриви со мала косина) се поставуваат уште при вградувањето на шиндрата во определен геометриски распоред (приближно еден на м2), а громобранските држачи и вентилациските капи дополнително се вградуваат, ако има потреба од нив.
Атестирање - Производот е атестиран од овластена институција.
Складирање - Се складира во оригинална амбалажа во суви и покриени простории.

Покле
Покле е производ од програмата "Битуменизиран покривен картон" и всушност е суров картон импрегниран со битумен, од двете страни обложен со битуменска маса и заштитен со погоден минерален материјал (песок). Служи за изолација од вода и влага.
Примена:
- Покривната лепенка "ПОКЛЕ" поради едноставниот начин на вградување, има широка примена и тоа за:
- привремена заштита на објекти, материјали и сл. од атмосферски талози,
- заштита на привремени објекти, отворени складишта, настрешници, шупи, бараки и др.,
- заштита на термоизолација, посебно на покриви, кога ќе се постави под битуменска шиндра, ќерамиди и сл.
- како меѓуслој при изведување на вертикални и хоризонтални хидроизолации.
Вградување - Се вградува со слободно положување или со лепење со врела битуменска маса (на бетонска и сл. подлога). На дрвена подлога се вградува со ковење (шајки со широка глава) на првиот слој, а вториот слој се лепи со врела битуменска маса за првиот.
Атестирање - Производот е атестиран во овластена институција.
Складирање и транспорт - Се складира и транспортира во исправена положба во покриена просторија или возило.

Воалoбит
Воалoбит е битуменска лента, на база суров стаклен воал обложен од двете страни со битуменска маса, заштитен со погоден минерален материјал.
· отпорен е на скапување и распаѓање,
· постојан е на влијанието на влага и вода.
Примена - Служи за изолација од вода и влага.Се употребува за изведување на сите повеќеслојни системи на хидроизолација на рамни покриви, тераси, подови, бањи и сл., како и за подземна хидроизолација.Погоден е за изолација на цевки однадвор.
Вградување - Се вградува со лепење со врела битуменска маса. При вградување се става преклоп 10 см. Подлогата на која се вградува мора да биде сува, чиста и обеспрашена, премачкана со основен премаз (БИТУЛИТ Б1).
Атестирање - Производот е атестиран од овластена установа.
Складирање и транспорт - Се складира и транспортира во исправена положба во покриена просторија и возило.